Servetsch mobil da verificaziun e da controllo
VEHICHEL DA CONTROLLO UNIVERSAL
Cun noss vehichels da controllo universals unics pon tut ils implants da mesiraziun sco camiuns-cisterna, dumbraders da deposit, camiuns-cisterna d'aerodrom ed implants da tancar, staziuns d'emplenir, bartgas da bunker, implants da chargiar vaguns-cisterna, dumbraders da pipeline, etc. vegnir controllads e verifitgads sin plazza. Uschia crodan davent lungs temps da paus e custs auts da transport e da viadi.
MASTERMETER
En adina dapli manaschis da producziun ston ils posts da mesiraziun relevants per la qualitad vegnir controllads metrologicamain en intervals regulars ed ils resultats da mesiraziun documentads. Quest sforz disturba savens il decurs da producziun, perquai ch'ils posts da mesiraziun ston vegnir demontads ed apparats da substituziun ston star a disposiziun. Il Mastermeter è perquai ina alternativa avantagiusa per controllar spert ed effizientamain ils posts da mesiraziun relevants per la qualitad directamain en l'implant da producziun.
CHAR DA CONTROLLO UNIVERSAL
Per il controllo e la verificaziun d'implants da mesiraziun «pli pitschens» sco implants da tancar mobils montads, staziuns da benzin da manaschi, tancs d'aerodrom, etc. vegn duvrà il char da controllo «UNI 145». Uschia pon ins reagir spert, flexibel ed a bun pretsch sin ina gronda varietad da pretensiuns.
CUNTRADA DA BISCHENS DA CONTROLLO
La cuntrada da bischens da controllo bidirecziunala da WPD po vegnir duvrada sco norma d'utilisaziun per determinar l'errur da dumbraders da volumen u d'auters dumbraders da liquids en raffinarias, pipelines, implants da chargiar bastiments e vaguns-cisterna, etc. La premissa è che quests dumbraders sajan equipads cun generaturs d'impuls. Sch'ins observa exactamain las prescripziuns da manaschi sto l'errur da repetibladad esser pli pitschna u tuttina sco +/-0,03%.
APPARAT DA MESIRAR LA DENSITAD
Per la garanzia da qualitad da products sco er per la conversiun da massa en volumen e viceversa vegn duvrada la grondezza fisicala da la densitad. Equipads cun ils instruments da mesiraziun mobils ils pli moderns essan nus en il cas da far mesiraziuns da la densitad e dal cuntegn d'etanol sin plazza.
